Námskeið fyrir kennara

Vinnustofa fyrir kennara í fjármálalæsi

Samstarf Fjármálavits og

skóla- og frístundasviðs Reykjavíkur.

Markhópur: Kennarar á unglingastigi

Umsjón: Kristján Arnarsson, Fjármálavit

Hvenær:

9. september kl. 14 – 16.30
16. september kl. 14 – 16.30.

Staðsetning: Borgartún 12 – 14, Skóla- og frístundasvið Reykjavíkur

Speaker,At,Business,Convention,And,Presentation.,Audience,At,The,Conference

Skráning á vinnustofu

Tilgangurinn með námskeiðinu er að kynna aðgengilegar kennsluaðferðir í fjármálalæsi og veita kennurum innblástur í kennsluna. Farið verður yfir kennsluáætlun fyrir einn vetur og hvaða færni nemendur geta fengið út úr þeim verkefnum sem til eru á heimasíðu Fjármálavits.

Undirbúningur: Fyrir námskeiðið er mælt með að þátttakendur fari yfir netnámskeið í fjármálalæsi sem ætlað er að auka almenna grunnþekkingu á fjármálum einstaklinga.

Netnámskeiðin eru fjögur talsins og eru aðgengileg hér fyrir neðan.

Netnámskeiðin geta einnig hentað vel þeim sem ekki eiga heimangengt á vinnustofuna t.d. vegna búsetu.

Á vinnustofunni gefst nægur tími til að ræða efnið sem fjallað er um á netnámskeiðunum og reynt verður að svara öllum spurningum sem vakna varðandi það efni, einnig hvernig það gæti nýst í kennslustund. Markmiðið er að þetta verði fróðlegt og eflandi samtal í bland við ítarlegar kynningar á verkefnum og þeim fræðum sem liggja á bak við hvert og eitt verkefni.

Nánari upplýsingar: fjarmalavit@fjarmalavit.is

Stafræn námskeið um fjármál einstaklinga

Í boði er frír aðgangur fyrir kennara og nemendur sem vilja efla sig í fjármálalæsi.

Námskeiðin eru unnin í samstarfi við Opna háskólann í Reykjavík og er ætlað að veita þátttakendum innsýn í það helsta sem fjármál einstaklinga snúast um.

Til að taka þátt í námskeiði er nóg að smella á heiti þess hér fyrir neðan eða til hliðar.

Fjármál heimilis

Þetta námskeið snýst um að þátttakendur öðlist yfirsýn yfir tekjur og gjöld sem auðveldar þeim að ná markmiðum sínum og uppfylla drauma.

Heimilisbókhald
Launaseðill og skattar
Skatthlutfall og skattstofn
Lífeyrissjóðir
Tryggingar
Verðbólga

Sparnaður og fjárfestingar

Á þessu námskeiði verður farið í grunnatriði og leitað skilnings á kjarnaþáttum þannig að sparnaður og fjárfestingar séu ekki framandi og fjarlæg viðfangsefni heldur frekar hefðbundinn partur af venjulegu lífi.

Bankareikningar og innistæður
Fjárfetingakostir

Lán og lánshæfi

Lántaka er mjög almenn og flestir taka lán einhvern tíma á lífsleiðinni. Á þessu námskeiði um lántöku förum við forsendur fyrir lántöku, skoðum ýmsar hliðar lána og kynnum okkur sérstaklega lánshæfismat.

Lán
Lánshæfismat

Að kenna fjármálalæsi

Stafræn vinnustofa fyrir kennara

Þátttakendum stendur einnig til boða að fá kennslubókina Farsæl skref í fjármálum sem gott er að hafa til hliðsjónar.

Panta bókina Farsæl skref í fjármálum

Umsjónarmaður námskeiðanna er Kristján Arnarsons sem er með áralanga reynslu af stærðfræðikennslu í grunn- og framhaldsskólum og hefur og komið að ýmsum verkefnum um eflingu fjármálalæsis.

Auk Kristjáns koma ýmsir sérfræðingar við sögu og fjalla ítarlega um þau viðfangsefni sem þeir eru sérhæfðir í.