Farsælskref í fjármálum, útgáfa nr. 2

Í ágúst 2026 kemur út önnur og endurbætt útgáfa bókarinnar Farsæl skref í fjármálum eftir Gunnar Baldvinsson. Bókin kom fyrst út árið 2020 og hefur síðan verið notuð víða í kennslu meðal eldri nemenda framhaldsskóla og að hluta til á háskólastigi.

Frá því fyrsta útgáfan kom út hefur bæst við ný bók í bókaröðinni, Snjöll skref í fjármálum, sem er ætluð nemendum í upphafi framhaldsskóla. Við það færðist hluti efnis úr Farsælum skrefum í fjármálum yfir í þá bók en í staðinn hefur verið bætt við nýju efni.
Í nýju útgáfunni er meðal annars bætt við umfjöllun um skuldamælikvarða og lánþegaskilyrði, nýjar tegundir húsnæðislána, lykilupplýsingaskjöl og hvernig nýta má þau við fjárhagslegar ákvarðanir. Þá hefur verið bætt við fjölda nýrra sýnidæma sem eiga að auðvelda lesendum að skilja og beita þeim hugtökum og aðferðum sem fjallað er um í bókinni.
Bókin hefur því stækkað nokkuð. Önnur útgáfa er 208 blaðsíður samanborið við 170 blaðsíður í fyrstu útgáfu. Markmiðið með breytingunum er að auka gagnsemi bókarinnar enn frekar sem kennsluefnis og handbókar um fjármál einstaklinga.
Farsæl skref í fjármálum fjallar um helstu hugtök og aðferðir sem nýtast við daglega fjármálastjórn, sparnað, fjárfestingar, lántökur og stærri fjárhagslegar ákvarðanir á lífsleiðinni. Bókin hefur frá upphafi verið skrifuð með það að markmiði að efla fjármálalæsi og styrkja getu lesenda til að taka upplýstar fjárhagslegar ákvarðanir.
Ný útgáfa bókarinnar verður fáanleg í ágúst.

Efnisyfirlit

Kennarar sem hafa áhuga á að nota bókina í kennslu geta fengið hana frítt fyrir nemendur sína í boði Fjármálavits.

Um fyrri útgáfu af Farsælum skreum í fjármálum